Receitas Coren

Ensalada de Cogollos e Polo de Curral en Escabeche

Tiempo de preparación: 15 minutos

Comensales: 1 persoa

Nivel: bajo

Agora que chega o bo tempo, propoñémosvos unha receita fresca para pasar os días máis calorosos.

Receita de Emilio Alonso Aladro do Restaurante Asador de Roa, Rúa San Miguel nº10, Ourense.

Ingredientes

  • 2 peitugas de Polo de Curral
  • 4 cogollos
  • Pementos asados
  • Anchoas
  • Aceite
  • Sal
  • Para o escabeche: 60 ml. de vinagre, 100 ml de aceite de oliva, 2 follas de loureiro, pementa negra en grao, 1 cenoria e 1 cebola.

Preparación

1.Para comezar picaremos en anacos as peitugas de Polo de Curral e botaremos sal e pementa ao gusto.

2. A continuación, pasarémolas nunha tixola cunha cullerada de aceite ata que estean douradas.

3. Temos a opción de facer o escabeche antes de pasar as peitugas á prancha ou mentres estamos no proceso. Como saberás, o escabeche naceu como un método de conservación de alimentos en vinagre, aínda que hoxe en día se utiliza con outras fins. Actualmente, o seu valor gastronómico radica na textura e no sabor que lles aporta aos nosos pratos.

Para facer un bo escabeche, mesturaremos nunha cunca de 60 ml de vinagre, 100 ml de aceite de oliva, 2 follas de loureiro, pementa negra en grao e unha cenoria e cebola picadas.

4. Mesturaremos o escabeche coas peitugas e cociñaremos todo a lume lento ata que as peitugas estean tenras. É importante que este proceso o fagamos ben xa que de iso depende que o polo teña unha textura boa.

5. Deixaremos repousar a carne no escabeche fóra do lume ata que arrefríe.

Presentacion

1. Partiremos os cogollos á metade e botarémoslles un chisco de sal e de aceite para lles dar sabor.

2. Poremos uns anacos de polo de Curral xunto ás verduras do escabeche. Ademais, colocaremos unha tira de pemento asado e unha anchoa enriba de cada cogollo.

3. Botaremos un pouco de salsa de escabeche e xa estará listo para degustar.