Receitas Coren

Peituga de polo de Curral en escabeche con cebola vermella e pomelo

Tiempo de preparación: 40 minutos (deixalo feito do día anterior)

Comensales: 3 persoas

Nivel: fácil

O polo en escabeche é unha boa técnica de cociña para conservar este alimento sen que perda ningunha das súas propiedades.

Ingredientes

  • 600 gr de peituga de polo de Curral enteira
  • 1 cebola vermella
  • 3 dentes de allo
  • 2 cenorias
  • 2 pomelos
  • 1/2 vaso de viño branco
  • Vinagre de Xerez
  • Aceite de oliva virxe extra

Preparación

1.Comezarase picando a cebola, o allo e a cenoria ao gusto: pódense cortar en xuliana ou en taquiños.

2.Espremerase un dos pomelos para obter o zume e reservarase.

3.Nunha cazola, botarase un chorro de aceite de oliva e o viño branco. Cando o lume estea quente e as peitugas sazonadas, douraranse na tixola durante 3 ou 4 minutos por cada lado e retiraranse.

4.Na mesma cazola, pocharase o allo, a cebola e a cenoria, baixando o lume e deixando que cociñe todo durante 15 minutos aproximadamente.

5.Despois engadirase o vinagre de Xerez e o zume de pomelo remexendo ben e engadiranse de novo as peitugas deixando que coza todo entre 12-15 minutos para obter o polo en escabeche.

6.Este é un prato que se come frío polo que precisa que se impregne co escabeche. Por tanto, unha vez que estea cociñado e arrefeza, deixarase repousar na neveira ata o día seguinte nun recipiente de cristal.

Presentacion

Laminaranse as peitugas de polo en escabeche e poranse nun prato. Decoraranse por riba coa cenoria e a cebola pochada e intercalaranse uns toros de pomelo con elas.

Pódese acompañar este prato cun arroz branco ou cunha ensalada de cóengos, por exemplo.