Receitas Coren

Risotto de polo de Curral con cogomelos

Tiempo de preparación: 40 minutos

Comensales: 2 persoas

Nivel: medio

O risotto de polo é un dos xeitos máis ricos de cociñar este prato italiano tan saboroso. Explicámosche como o facer de maneira sinxela.

Receita de Elena Boso Quintas do Restaurante Vila Real. Rúa Vila Real, Ourense.

Receita de Elena Boso Quintas do Restaurante Vila Real. Rúa Vila Real, Ourense.

Ingredientes

  • 2 peitugas de polo de Curral
  • 2 cebolas medianas
  • 500 gr de cogomelos de cardo
  • 2 cuncas de arroz carnaroli ou bomba
  • 1 vaso de viño branco
  • Caldo de polo de Curral
  • Queixo parmesano raiado
  • 150 ml de nata
  • Pementa negra
  • Sal
  • Aceite de oliva

Preparación

1) Elaboraremos un caldo de polo e manterémolo a lume suave e quente.
Podes deixalo preparado da noite anterior; é moi sinxelo: carcasa de polo, á, cebola, porro, cenoria, auga, viño branco, pirixel e unha chisca de sal.
Acórdate de sofritir primeiro as verduras, engadir o sal, acto seguido o polo, o viño e deixalo cocer todo con auga ata que o caldo estea no seu punto.
2)Nunha tixola, engadiremos a cebola previamente pelada e picada finamente ata que comece a dourarse para incorporar os cogomelos.
3) Refogaremos e incorporaremos os taquiños de peituga con sal e pementa ao gusto e deixaremos que se cociñe todo.
4) Incorporaremos o arroz e remexeremos ata que os graos se volvan transparentes.
5) Botaremos o vaso de viño branco e mesturaremos todo ben.
6) Pouco a pouco, incorporaremos o caldo de polo cun caciño e remexeremos constantemente para que o arroz desprenda o amidón que lle dá sabor e textura ao risotto. Farémolo durante uns 18/20 minutos ata que o arroz estea tenro.
7) Como toque final engadiremos un chorro de nata e unhas tres culleradas contundentes de parmesano raiado.

Presentacion

Podemos servir nun prato un pouco de risotto e decoralo con finas láminas de parmesano.

O resultado é espectacular!