Receitas Coren

Ovos de Curral á escocesa

Tiempo de preparación: 30 minutos

Comensales: 4 persoas

Nivel: medio

Unha receita contundente de orixe escocesa que de seguro non deixará ninguén indiferente.

Receita elaborada polo equipo Coren

Ingredientes

  • 5 ovos de Curral
  • 400 gr de carne picada fresca
  • Pan relado
  • Pementa negra
  • Allo en po
  • Sal
  • Fariña
  • Aceite de oliva

Preparación

1.Comezarase por pór a ferver auga nunha pota e engadiranse os ovos para os deixar cocer durante uns 7 minutos. Pasado este tempo, pasaranse por auga fría e deixaranse arrefriar. Unha vez fríos, pelaranse e reservaranse.

2. Nunha cunca, porase a carne picada, un chisco de sal, pementa negra moída e un pouco de allo en po e mesturarase todo coa axuda dun garfo.

3. Dividirase a masa de carne en 4 porcións e colocarase cada unha entre 2 anacos de film transparente, estendéndoo cun rolete como se fose para facer unha hamburguesa, pero máis fina. Unha vez feitas todas, retiraranse os films.

4. Prepararanse 3 cuncas: unha con fariña, outra con ovo batido e unha terceira con pan relado.

5.Pasarase cada ovo por fariña, colocando despois o ovo sobre a lámina de carne e dobrando os bordos ata formar unha esfera. Debemos conseguir que a carne cubra a totalidade do ovo cocido ata que xa non se vexa a clara por ningures.

6.Pasarase cada un por un pouco de fariña, ovo batido e unha capa fina de pan relado.

7. Botarase aceite nun cazo que sexa un pouco alto e que teña pouco diámetro para que ao fritir os ovos estean mergullados. Fritiranse un e un, controlando a temperatura para evitar que se queimen por fóra e que queden crus por dentro.

8.Retiraranse os ovos a un prato con papel absorbente para lles quitar o exceso de aceite.

Presentacion

Pódense acompañar cunha ensalada común, de cóengos ou rúcula con tomate e aceite de oliva.