Receitas Coren
Ragú de tacos de pavo
Tiempo de preparación: 45 minutos
Comensales: 4 persoas
Nivel: baixo
Ofrecemos unha receita deliciosa e fácil de preparar. A carne de pavo aporta proteínas de alto valor biolóxico e o seu alto valor en coláxeno fai que sexa moi dixestiva, polo que tamén se pode incluír na dieta infantil. Ademais, en Coren, ofrecémosche a bandexa de pavo xa cortada en finos tacos e preparada para cociñar.
Ingredientes
- 500 g de pavo
- 3 patacas medianas
- 1 cebola
- 2 cenorias
- 1 pemento vermello
- 1 pemento verde
- Chícharos frescos ou conxelados
- 1 tomate natural ou tomate frito
- 1 vaso de viño de Xerez
- Sal
- Aceite de oliva
Preparación
1.Comezaremos picando as verduras en cadradiños pequenos.
2.Nunha pota con aceite quente, refogaremos as verduras comezando pola cebola e acto seguido o pemento vermello e verde.
3.A continuación engadiremos o tomate. Temos a opción de que sexa fresco (cortado igual có resto de verduras) ou frito (engadiremos 2 ou 3 culleradas).
4.Remexeremos ben para sacar os xugos do fondo da pota.
5.Cando as verduras comecen a estar douradas, engadiremos os tacos de pavo, as cenorias limpas e en anacos, os chícharos e as patacas cortadas.
6.Botarémoslle sal a todo (podes engadirlle pementa ao gusto) e regaremos co vaso de viño.
7.Cando se evapore o alcol, deixaremos todo 3 ou 4 minutos máis para ter a carne no seu punto.
Presentacion
No centro do prato colocaremos o ragú facendo unha torre mesturándoo coas patacas e verduras. Como toque final, podes engadir un pouco de romeiro ou algunha planta aromática que che guste.
Delicioso!
